وجنون عم تضحكي
متل الشتي
يبلل طراف الحكي
متل تشرين
ووراقه الصفر
وكلمة بحبك
نحفرها عجناب الصخر
حروف نرسم عالشجر
تمر سنين الولدني
ونرجع بعد سهوة عمر
نتذكر الحب المضى
نعيد الغرام من الصفر
نهرب من عيون البشر
نتخبا بفي القمر
نسرق البوسه بالخفى
نخاف يلمحنا حدا
ونركض ،،
نلملم قطر الندى
من فوق ورقات الورد
ونطير على جناح الهوى
لمطرح ما يموت البعد
حلوه
وندى نيسان
من عمرك يلم الحلا
ينده عيونك
يوشوشا سرار الهوى
ويرجع بعد غفوة
يطل راسو ويسألا ..
بعدو العمر عم يحلم بهاك الحلا ؟؟
بعدا العيون السود ناطرة مين يكحلا ؟؟
آه يا لون السما
قديش ع هاك الشط كزدرنا سوا
وقديش هالحلا بأيده ايديي مسك
ولم كنت إلمح زر القميص المرتخي
وشوف العمر عم يرقص على حفاف الصدر
افرح
خايف
ومحتار
بخبرها؟؟
لأ ،،
خايف خبرا وتزعل
وبخاف إتركا و ينزل
وينط الورد من نهدها وع خدها يذبل
مجيد مرو
