عم بتخايل حالي كبير بشي دولة كتير كبيري

ما بعيش بفقر وتعتير ولا بقعد عالحصيري

في عـِنـّا صحة وتعليم لكل الناس بـّلاش

هـَم ديوني صار قديم.. عم بيكفـّيني المعاش

بنزين في عـِنـّا زيادة .. الشمعة ما لها إفادة

الدولة بتحميلي ولادي وبتريـّحلي ضميري

عم بتخايل حالي كبير بشي دولة كتير كبيري

ما بعيش بفقر وتعتير ولا بقعد عالحصيري

شوفو صار في عندي بيت..ما بحمل هـَم الإيام

أنا والبنت الحبـّيت عا فرد مخدّة منـّام

ما منعرف طائفية ولا منقتل عالهوية

هيدي العـِيشة الهنية لبتوضـّحلي مصيري

عم بتخايل حالي كبير بشي دولة كتير كبيري

ما بعيش بفقر وتعتير ولا بقعد عالحصيري

حابب إحكي هالقصة يا صحابي وإبقى معكن

لكن في بقلبي غصـّة .. خايف إنـّي وجـّعكن

قصة عن جاري اللي مات عا بواب المستشفيات

ما كفـّوه المصريات .. فيـّقني عا تعتيري

عم بتخايل حالي كبير بشي دولة كتير كبيري

ما بعيش بفقر وتعتير ولا بقعد عالحصيري